Bókagagnrýni - íslenska

Ég og bekkurinn minn vorum að lesa bókina Galdrastafir og græn augu eftir Önnu Heiðu Pálsdóttir í íslensku. Bókin er um 14 ára gamlan strák sem fer í berjamó með fjölskyldu sinni, en finnur stein með dularfullu letri  sem reynist vera galdrastafur. Hann lendir í tímaflakki til 17 aldarinnar. Hann hittir gamlar þjóðsagnapersónur, kynnist lífinu í gamla daga, lendir í ýmsum ævintýrum og gildrum. Þessi bók er aðalega spennandi því stóra spurningin er, kemst hann aftur heim? Mér fannst þessi bók vera skemmtileg  vegna hve vel maður gat sett sig í spor hans sem dekraður unglingur, háður tölvu og mat sem var ekki til á 17 öld. Hún var líka mjög fræðandi um fortíðina og hvernig lifnaðarhættir Íslendinga voru á 17 öld. Þessi bók var ekkert sérstaklega fyndin að mínu mati en er frekar sorgleg þegar hann þurfti að kveðja ástkæru vini sína frá fortíðinni og stelpuna sem hann elskaði meira en allt. Hún var líka sorgleg út af því að Svein saknaði fjölskyldu sinnar svo mikið. Yfir allt fannst mér þessi bók mjög skemmtileg og sérstaklega spennandi, ég gef henni 3 stjörnur af 5 mögulegum.